zamalbidebentak-(r)en bidalketa guztiak

Euskal Pentatloia

2019ko San Isidroetan, Perurenako frontoian Euskal Pentatloi saio bikaina izango dugu puntako kirolariez osatua. Egin beharreko lanak: 100 kiloko harri borobila 15 aldiz altxatzea, 400 kiloko harriarekin 2 plaza egitea, kanaerdiko egurra moztea, 50 kiloko txingekin 6 plaza egitea eta kilometro bat korrika egitea izango dira.

Ea galdu!!! Maiatzak 19, igandea, 18:00tan Perurenako frontoian.

Aitzbitarte koben berri

San Isidro jaietako lehen egunean, maiatzak 12, haur eta gazteak frontoian jolasak egiten dituzten bitartean, gurasoentzat eta interesa duten guztientzat, frontoiko goiko lokalean Aitzbitarte koben inguruko erakusketa ikusi ahal izango dugu, eta bertan indusketak egiten dabilen arkeologo baten azalpenak jaso.

Animatu eta etorri: Perurenako frontoian, (Auzolan frontoian), goiko lokalean, maiatzak 12 larunbata, 11:00tan.

Bide batez, auzoan aurkikuntza hauek ekarri dezaketen aldaketen inguruan hausnartu dezakegu.

 

AUZO BATZARRA 2018

GARRANTZITSUA:
Auzokide, zure presentzia eta parte-hartzea garrantzitsuak direla pentsatzen dugu.
APIRILAK 12, 19:00tan Zamalbideko eliz azpian bilera bat burutuko da. Batzar honetan Julen Mendoza alkatea eta Bernar Lemos Hirigintza zinegotzia izango dira.
Batzar irekian azken bi urteetan egindakoaren kontu emango da eta auzotarrek egiteko dituzten proposamen eta ekarpenak jasoko dira.
Ager zaitez!

2017ko batzar orokorrean esandakoak

2017ko urriaren 1ean Zamalbideko eliz azpian Auzoko Urteko Batzar Orokorra burutu zen. Deialdia bi aste lehenago buzoneatu zen.

Garatutako gaiak:

2017ko ditu kontuak.

2017. urtean izan ditugun diru sartu-irteenak aipatu dira. Ondoren laburbilduz  frontoiko diru gora-beherak, festetakoak eta gainonzeko gastuak zeintzuk izan diren argitu dira.

Errenteriako udalari egin beharreko eskaerak.

Aurretik egindako eskaerak zeintzuk izan ziren aipatu da, eta hauetatik zenbat egin diren. Ondoren, bizilagunek eskaera berriak egiteko aukera izan dute:

  • Herri-bideen konponketak: listorreta eta Listorreta-zalditegiko bidea konpontzeko eskatu da.
  • Oinezkoentzako bideak egokitu: batezere Zamalbidetik Agustinetako bideaz hitz-egin da, bertan bi tramo bakarrik daudelako burutzeko eta gainera hauetako bat oso arriskutsua da. Auzotar batek udaletxean eskaera bat aurkeztu du bitan, ZB fabrika ondoko autobus geltokia babesteko, hemen kotxe istripu asko gertatzen bait dira, eta azkenekoan, kotxe bat autobus geltokiaren kontra jo zen, hau guztiz okertuta utziaz.
  • Zamalbide auzoa eta Zamalbide kaleen arteko nahasketak. Behin eta berriz arazo honekin topatzen gera kartak jaso, pakete bat jaso edo anbulantzia gure etxeetara etorri behar denean. Batez ere azkeneko kasu honegatik, hil ala bizikoa izan daitekeenez, arazo honi konponbidea emateko eskatzen dugu.
  • Sagardiburuko autobu geltokia eta ikastolako autobus geltokiaren artean dagoen beste autobus geltokian, markesina bat jartzea eskatzen da.
  • Sagardiburu kaleko beheko sarreran, autoek abiadura gutxitzeko moduren bat jartzea eskatzen da. Hau isletak erliebearekin jartzea izan daiteke.
  • Baserrietako txakurrak beraien eremutik aldentzen direnean, udaltzainek isunak jartzen dituztela aipatu da. Baserritarrek, zuzenean isuna jarri ordez, abisua emateko eskatzen dute, eta hauen bila joaten ez badira, orduan isuna jartzeko. Inguruko udalerrietan horrela egiten omen da.
  • Añabitarte kalean, LHko ikastolaren aurrean zebrabide bat dago eta, umeak jaso eta uzteko orduetan, kotxeak gainean aparkatzen dute. Zerbait jartzeko eskatzen dugu, kotxean bertan aparkatu ez ditzaten, arriskutxua suertatzen delako errepidea gurutzatzea hain ikusgaitasun gutxikin.
  • Zakar edukiontziak zentolen inguruan jartzeko eskatzen da.

Astigarragako udalari egin beharreko eskaerak.

Oinezkoen pasoko bideak begiratzeko eta zaintzeko eskatzen da.

Amaitzeko auzotarrek ekarritako kontu ezberdinez hitz egin zen:

  • Auzoan fibra optikoa jartzen egon dira telefonikakoak, eta zenbait baserri edo etxek arazoak izan dituzte, telefonikatik ez zutela kobertura esaten zietelako. Dirudienez arazo administratibo baten ondorioz ematen dute akats hau. Beraz, auzotarren bat arazo honekin topatzen bada, Uretxeko Aitorrekin kontaktuan jar dadila, berak badakilako nola konpondu eta laguntzeko prest dago.
  • Zenbait auzotar prest agertu da festetan laguntzeko, eta proposamen berriak ekarri dituzte. Festen antolakuntzako bilerak egitean abisatuko ditugu.
  • Auzotar batek pilateseko saioak eman nahi ditu eliz azpiko lokalean. Auzotarrei proposamena luzatuko diegu zenbat pertsona parte hartzeko interesa izango lukeen jakiteko.

Bilera amaieran kataluniarrei erreferendumaren eskubidearen aurrean gure babesa erakusteko gure eskuk proposatutako argazkia burutu genuen ados zeuden bizilagun guztiekin.

2017 Batzar Orokorra

Aurten urtero bezala urte hasieran egin genuen Auzoko Batzar Orokorra, baina bertan erabaki zen hemendik aurrera urte amaieran egitea. Beraz, 2017ko urrian izango dugu berriz Auzoko Batzar Orokorra, oraindik egun zehatza zehaztu gabe dago.

Bertan hainbat gaiez hitz egin behar dugu, besteak beste:

  • Urteko martxa.
  • 2018ko aurre-ikuspenak.
  • Eskaerak:
    • Auzotarren eskaera berriak.
    • Eskaera “zaharren” jarraipena.
    • Astigarraga eta Errenteriako udaletara egin behar diren idatziak zehaztu.
  • Jaiak:
    • Proposamen berriak.
    • Jai Batzordearen osaketa.
  • Frontoiko martxa.
  • Auzo Elkarteko kide berriak.

Gure Esku Dago

AUZOKIDEEI GONBIDAPENA:
Errenteria-Oreretako Gure Esku Dago taldeak Auzo Elkarteari elkarlanean aritzeko gonbidapena luzatu digu. 
Guk erronka onartu dugu. Informazioa auzokoen artean zabaltzeko Whatsappeko talde bat sortzea eta zuri gonbidapena luzatzea erabaki dugu.
 Bide batez, Martxoaren 19an Oarsoaldean egingo den galdeketan laguntzeko prest dauden bolondresak behar ditugu.
Egun hortan edo bitartean lanetan laguntzeko prest bazaude, bidali mezu bat 637781772 (Igor) zenbakira.
Ez dezatela zuregatik erabaki!!!

Pala Txapelketa

Iaz egin zen moduan, aurten ere, San Isidro jaietan pala txapelketa antolatzeko asmoa dugu. Partaide guztiak, hau da, bikoteko bi kideak, auzoan jaio edo bizi beharko dute. 
Txapelketa liga izango da, denak denen aurka.
Izena emateko azken eguna otsailak 20a, deitu honako telefonoetako batetara 656765482 (Iker) 637781772 (Igor).
Bikote bakoitzak izena ematean 30 € ordaindu beharko ditu. Kopuru honek, pala txapelketan jokatzeko aukeraz gain, maiatzak 13an egingo den auzo-afarira etortzeko eskubidea emango die.
Finala maiatzak 14ko eguerdian izango da.
Neskak ere animatu!!!